Posted to the Philippine Information Agency (May 7, 2021): Hiligaynon News: NPA ginpakamalaut bangud sa pag-patay sang tanod (By Lorenzo O. Lambatin, Jr.)
NEGROS OCCIDENTAL, Mayo 7 (PIA) — Ginatos ka mga pumuluyo sang banwa sang EB Magalona ang sining karon lang nag kondenar sa mga katapo sang Communist Party of the Philippines-New People's Army (CPP-NPA) Terrorist (CNT) sa ila sini pagpatay kay Barangay Tanod Elmer Ortencio.
Ang nasambit nga pagpakamalaot kag pagkondena ginpatigayon antes ang lubong ni Ortencio sa public cemetery sang Brgy. XUV, syudad sang Victorias.Suno kay Civil-Military Operations Officer 1Lt Dansan Camua sang 79th Infantry (Masaligan) Battalion (IB), 3rd Infantry Division, ang pamilya, abyan, mga residente kag mga opisyales sang Brgy. Consing, banwa sang EB Magalona ang nagkondenar sang indi makatarungan nga pag-patay kay Ortencio.
Ang mga pumoluyo nagpakita sang mga banner kag placard nga may mensahe nga untaton na ang kalakasan, pangilkil kag pag limbong sa mga katawhan sang mga NPA.
Si Ortencio ginkuha sang mga armado nga tinuga sadtong Abril 13 kag nakit-an na lang nga patay na sa kawayanan sang Hacienda Margarita, Brgy. Consing, syudad sang EB Magalona.
“Ang Philippine Army naga-panginbulahan sa mga opisyales sang barangay kag mga pumoluyo sa ila pag kondenar sa mga komunistang terorista,” pahayag ni Lieutenant Colonel Gerard T. Alvaran, Commanding Officer sang 79IB.
Samtang, si Colonel Inocencio Pasaporte, 303rd IB Commander, nagpahayag nga ang Philippine Army upod ang PNP kag iban pa nga mga civil society organizations ang maga bulig sa pag uswag sang mga kumonidad batuk sa mga lihuk sang mga CTG. (79th IB, 3rd ID/JSC/Lljr/PIA6 Negros Occidental)
https://pia.gov.ph/news/articles/1074529
No comments:
Post a Comment
Note: Only a member of this blog may post a comment.