200 ka mga soldado nagdugang sa pwersa sang 3ID

From the Philippine Information Agency (Feb 25): 200 ka mga soldado nagdugang sa pwersa sang 3ID (200 soldiers increase the strength of the 3ID)

Kapin sa 200 ka mga soldado ang nagdugang sa pwersa sang 3rd Infantry Division snag Philippine Army.
Ini matapos nga nalampuwasan sang amo nga mga candidate soldiers ang ila anom ka bulan nga maid-id nga paghanas sa Division Training School sa 3ID headquarters.

Ginpahayag Lt. Col. Ericson Rosana, tagpamaba sang 3ID –Philippine Army nga mismo si 3ID Commander Major General Jon Aying ang nagpanguna sa pag abi-abi sa graduation ceremony sang mga bag-o nga sulod nga soldado nga ginpatigayon sa Camp Macario Peralta sa banwa sang Jamindan.

Kabahin man sa programa ang pagtugyan man sang armas sa amo nga mga soldado.

Suno pa kay Rosana nga ginpalab-ot ni General Aying sa mga ini kon ano ang matuod nga kahulugan sang serbisyo sa pagkasoldado.

Ginpanugyanan man sang Heneral ang mga ini sa pag salig sa Ginoo kag pagtipig sang ila moralidad kag pagpasangkad sang ila mayo nga relasyon sa ila mga kaupod sa serbisyo kag sa komunidad para mangin mahapos ang paghatag nila sang ila serbisyo sa mga pumoluyo.

Ginpahanumdom man ni General Aying ang mga ini sa pag-gamit sang ila aramas agud dag-on ang away sa pagduso kag pagtib-ong sang kalinong, katawhay kag kauswagan sa komunidad.

http://news.pia.gov.ph/article/view/991487926331/200-ka-mga-soldado-nagdugang-sa-pwersa-sang-3id