Cebuano News: “PMA Entrance exams” karon’g Agosto

From the Philippine Information Agency (Aug 19): Cebuano News: “PMA Entrance exams” karon’g Agosto

Walay labing maayong maka-agni sa mga Bol-anon kon dili mgapaisano ra usab.
Kini dagway og maoy gisubay sa us aka Bol-anong pari nga chaplain sa Philippine Military Academy (PMA) kinsa maoy nangulo sa bahan nga mohatag sa pasulit alang sa entrance sa nahisgutang academya.

Ang pasulit o eksaminasyon himoon didto sa Holy Name University karong Agosto 21, 2016.

Si Fr. Carlito Buslon, taga Sierra Bullones, giubanan sa mga kadete nga Bol-anon sa paghimo sa eksaminasyon dungan sa 38 ka mga samang pasulit sa tibuok nasud.

Ang entrance nga eksaminasyon maoy una nga lakang sa proseso aron mahimong kadete sa nag-unang tunghaan alang sa aktibong serbisyo sa nasud.

Sa PMA, ang madawat nga mga kadete makakuhag lukop nga scholarship gikan sa kagamhanan, ug dili na kinahanglan pa nga mogasto ang banay samtang ang ilang anak nagpadayon sa ilang pagbansay ug paghulma didto sa PMA hangtud nga mahatagan sa ilang Bachelor of Science Degree.

Ang scholarship, maoy silbi nga binuwan nga sweldo sa mga kadete nga ikapamalit og mga uniporme, sapot, pagkaon, pagmintinar sa barracks ug uban pang kinahanglanon samtang ang kadete nagpadayon sa iyang pagtungha.

Kon makatapos sa Bachelor’s Degree, ang taga PMA hatagan sa ranggo nga Second Lieutenant ug mga ensign sa Armadong Kusog sa Nasud.

Tungod kay ang PMA maoy hulmahanan sa karakter sa usa  ka opisyal sa kasundalohan kinsa maoy mangulo unya sa armadong kusog, benepisaryo ang tunghaan sa labing bag-o nga mga pasilidad ug epiko alang sa kinatibuk-ang pag-umol sa us aka ligdong nga lider, pahayag ni Buslon.

Alang sa mga interesado nga mokuha sa bansay ug motungha sa PMA, kinahanglan nga siya natural-born Filipino citizen; labing menos 5 ka tiil ang gitas-on ma babaye man o lalaki; physically fit ug may maayong gawi; walay kabilinggan ug wala makasal ug nakahuman sa high school.

Kinahanglan usab nga ang mga interesado walay gihuptan ug wala mag-atubang og kasong criminal o administratibo, makapasar sa eksaminasyon ug natawo sugod Abril 01, 1995 ngadto sa Abril 01, 2000.

Ug dala sa kausaban nga bitbit sa K12, matud sa mga tinugyanan sa PMA nga kadtong mitapos sa High School niadtong sa wala pa ang 2015, mahimong mokuha sa eksaminasyon.

Kadtog makapasar sa eksaminasyon maoy mahimong PMA Class 2021 ug opisyal nga dawaton sa PMA human makahimo sa Oath-Taking Ceremony ug Reception Rites sa April 01, 2017 pohon.

Kadtong interesado, mahimong makakuhag application forms sa www.pma.ph o adto moduso sa ilang applikasyon sa nahisgutang website.

http://news.pia.gov.ph/article/view/1101471579848/cebuano-news-pma-entrance-exams-karon-g-agosto-21-na