KARINA MAGTANGGOL
SPOKESPERSON
KABATAANG MAKABAYAN-SOUTHERN MINDANAO
November 30, 2021
Karong ika-30 sa Nobyembre, ginahinumdom sa Kabataang Makabayan Southern Mindanao Region ang adlaw nga natawhan ni Gat. Andres Bonifacio, mamumuo ug rebolusyonaryong nakigbisog hangtod kamatayon alang sa kagawasan sa nasod gikan sa kamot sa mga langyaw nga mananakop.
Labaw pa sa pagsaulog sa iyahang adlaw nga natawhan, anaa ang dakong hagit nga ipadayon ug mas pakusgon ang rebolusyon, ang armadong pakigbisog, alang sa tinuod nga kagawasan gikan sa kamot sa nagharing hut-ong, sa mga berdugo, mga korap, ug sa mga imperyalistang nasod sama sa Estados Unidos ug Tsina.
Sukad sa una hangtod karun nagpabilin gihapon ang kamatuoran na walay kaugmaon ug ginapahimuslan ang mga kabatan-onan, mao ang susi sa tinuoray na kabag-ohan kay ang rebolusyon na may sosyalistang perspektiba para kab-uton ang porma sa edukasyon na makamasa, makinasudnon ug siyentipiko.
Ilalom sa CoViD-19, nasinati nato ang grabeng pagpahimulos ug kawad-on og pagtagad sa gobyerno sa atong lehitimong mga mulo ug demanda. Daghang mga kabatan-onan ang niundang kay dili makaya ang kabug-at sa mga online nga klase.
Bug-at sa bulsa — naa sa Php 900.00 matag adlaw ang gasto alang sa load mao nga mutrabaho na lang ang uban aron makatabang sa pamilya. Bug-at sa lawas ug panghuna-huna — daghan kaayo og mga kinahanglanon nga mura og walay kahumanan. Tungod niini, nanawagan na ang mga estudyante nga mubalik na og aktwal na klase apan wala kini gidungog sa panggamhanan. Pinakaulahi ang Pilipinas sa tibuok kalibutan nga mubalik og face-to-face na mga klase. Gani, tan-aw sa kadaghanan nga dili pa unta kini mahitabo kung wala nag eleksyon.
Paspas sab ang iligal nga tinanggalay sa mga kompanya samtang nagaatubang kita sa grabeng krisis panglawas ug pang-ekonomiya. Gibana-banang naa na sa 4.3 milyon ang ihap sa mga Pilipinong walay trabaho — pinakataas sukad Hulyo 2020.
Ang mga mag-uuma, halos wala nay ginansya sa ilahang mga pananom. Hinay-hinay nga ginapatay ang atoang sektor sa agrikultura sa mga import nga bugas. Pagkahitabo sa pandemya, dili halos kalahos ilahang mga gulay tungod sa mga polisiya maong mangalata na lang nga muresulta sa ilahang pagkalugi.
Dugang niini, dili tanang katawhang nagkinahanglan ang nakadawat sa mga ayuda ug programa sa panggamhanan. Sa 184 ka adlaw sa implementasyon sa Bayanihan 1, 17.6 milyon nga pamilya ang nakadawat sa unang hugna sa Social Amelioration Program-Assistance to Individuals in Crisis Situation (SAP-AICS). Apan ningbaba kini nga ihap ngadto 14.1 milyon nga pamilya na lang sa ikaduhang hugna sa maong programa. 98,100 ka indibidwal lang ang nakadawat sa SAP alang sa mga drayber sa dyip ug uban pang pampublikong sakyanan, samtang 337,198 ka indibidwal lang ang nahimong benepisyaryo sa Tulong Panghanapbuhay sa Ating Displaced/Disadvantaged Workers Program (TUPAD). Pipila lang kini sa mga butang nga nagapamatuod kung unsa kalisod ang kahimtang sa yanong Pilipino ilabi na ilalom sa panggamhanang Duterte. Lubong kita sa utang, padayon ang pagpamatay ug iligal nga pagdakop sa mga aktibista, kritiko, ug bisan yanong tawo, ug ginabaligya ang atoang mga teritoryo ug minerales.
Sa ngin-ani nga kahimtang, angay ug makataronganon ang armadong pakigbisog, ilabi na ang pagsalmot ug pag-apil sa Bagong Hukbong Bayan (BHB) kun New People’s Army (NPA).
Karong umaabot na eleksyon ug bisan sa mga nilabay na, nakita ug nasinati nato kung unsa kahugaw ni nga yugto. Mudaog gyud ang adunay rekurso bisan pa og ilado na nga korap ug walay agi. Maningkamot ang mga oligarkiya na magpabilin sa gahum para mapadayon ang pangawkaw sa kaban sa nasud ug padayon nga panghimuslan ang katawhan.
Nagapamatuod lamang kini nga dili masulbad sa eleksyon sa mga batakang problemang nagatunhay sa Pilipinas. Naay mga posibleng kadaugan apan kabalo ta nga dili kini masubay hangtod sa hangtod.
Mao na nga kami sa Kabataang Makabayan-Southern Mindanao Region kay ginaawhag ang ubang mga kabatan-onan na musalmot sa rebolusyon. Padayon ang pagsukol para batukan ang sistema sa pagpanghimulos. Kabatan-onan, i-asdang ang demokratikong rebolusyon sa katawhan, sampa na sa NPA! Rebolusyon ang tinuod nga solusyon!
https://prwcinfo.wordpress.com/2021/11/30/rebolusyon-ang-tinuod-nga-solusyon-sa-una-karon-ug-hangtod-kadaugan/
November 30, 2021
Karong ika-30 sa Nobyembre, ginahinumdom sa Kabataang Makabayan Southern Mindanao Region ang adlaw nga natawhan ni Gat. Andres Bonifacio, mamumuo ug rebolusyonaryong nakigbisog hangtod kamatayon alang sa kagawasan sa nasod gikan sa kamot sa mga langyaw nga mananakop.
Labaw pa sa pagsaulog sa iyahang adlaw nga natawhan, anaa ang dakong hagit nga ipadayon ug mas pakusgon ang rebolusyon, ang armadong pakigbisog, alang sa tinuod nga kagawasan gikan sa kamot sa nagharing hut-ong, sa mga berdugo, mga korap, ug sa mga imperyalistang nasod sama sa Estados Unidos ug Tsina.
Sukad sa una hangtod karun nagpabilin gihapon ang kamatuoran na walay kaugmaon ug ginapahimuslan ang mga kabatan-onan, mao ang susi sa tinuoray na kabag-ohan kay ang rebolusyon na may sosyalistang perspektiba para kab-uton ang porma sa edukasyon na makamasa, makinasudnon ug siyentipiko.
Ilalom sa CoViD-19, nasinati nato ang grabeng pagpahimulos ug kawad-on og pagtagad sa gobyerno sa atong lehitimong mga mulo ug demanda. Daghang mga kabatan-onan ang niundang kay dili makaya ang kabug-at sa mga online nga klase.
Bug-at sa bulsa — naa sa Php 900.00 matag adlaw ang gasto alang sa load mao nga mutrabaho na lang ang uban aron makatabang sa pamilya. Bug-at sa lawas ug panghuna-huna — daghan kaayo og mga kinahanglanon nga mura og walay kahumanan. Tungod niini, nanawagan na ang mga estudyante nga mubalik na og aktwal na klase apan wala kini gidungog sa panggamhanan. Pinakaulahi ang Pilipinas sa tibuok kalibutan nga mubalik og face-to-face na mga klase. Gani, tan-aw sa kadaghanan nga dili pa unta kini mahitabo kung wala nag eleksyon.
Paspas sab ang iligal nga tinanggalay sa mga kompanya samtang nagaatubang kita sa grabeng krisis panglawas ug pang-ekonomiya. Gibana-banang naa na sa 4.3 milyon ang ihap sa mga Pilipinong walay trabaho — pinakataas sukad Hulyo 2020.
Ang mga mag-uuma, halos wala nay ginansya sa ilahang mga pananom. Hinay-hinay nga ginapatay ang atoang sektor sa agrikultura sa mga import nga bugas. Pagkahitabo sa pandemya, dili halos kalahos ilahang mga gulay tungod sa mga polisiya maong mangalata na lang nga muresulta sa ilahang pagkalugi.
Dugang niini, dili tanang katawhang nagkinahanglan ang nakadawat sa mga ayuda ug programa sa panggamhanan. Sa 184 ka adlaw sa implementasyon sa Bayanihan 1, 17.6 milyon nga pamilya ang nakadawat sa unang hugna sa Social Amelioration Program-Assistance to Individuals in Crisis Situation (SAP-AICS). Apan ningbaba kini nga ihap ngadto 14.1 milyon nga pamilya na lang sa ikaduhang hugna sa maong programa. 98,100 ka indibidwal lang ang nakadawat sa SAP alang sa mga drayber sa dyip ug uban pang pampublikong sakyanan, samtang 337,198 ka indibidwal lang ang nahimong benepisyaryo sa Tulong Panghanapbuhay sa Ating Displaced/Disadvantaged Workers Program (TUPAD). Pipila lang kini sa mga butang nga nagapamatuod kung unsa kalisod ang kahimtang sa yanong Pilipino ilabi na ilalom sa panggamhanang Duterte. Lubong kita sa utang, padayon ang pagpamatay ug iligal nga pagdakop sa mga aktibista, kritiko, ug bisan yanong tawo, ug ginabaligya ang atoang mga teritoryo ug minerales.
Sa ngin-ani nga kahimtang, angay ug makataronganon ang armadong pakigbisog, ilabi na ang pagsalmot ug pag-apil sa Bagong Hukbong Bayan (BHB) kun New People’s Army (NPA).
Karong umaabot na eleksyon ug bisan sa mga nilabay na, nakita ug nasinati nato kung unsa kahugaw ni nga yugto. Mudaog gyud ang adunay rekurso bisan pa og ilado na nga korap ug walay agi. Maningkamot ang mga oligarkiya na magpabilin sa gahum para mapadayon ang pangawkaw sa kaban sa nasud ug padayon nga panghimuslan ang katawhan.
Nagapamatuod lamang kini nga dili masulbad sa eleksyon sa mga batakang problemang nagatunhay sa Pilipinas. Naay mga posibleng kadaugan apan kabalo ta nga dili kini masubay hangtod sa hangtod.
Mao na nga kami sa Kabataang Makabayan-Southern Mindanao Region kay ginaawhag ang ubang mga kabatan-onan na musalmot sa rebolusyon. Padayon ang pagsukol para batukan ang sistema sa pagpanghimulos. Kabatan-onan, i-asdang ang demokratikong rebolusyon sa katawhan, sampa na sa NPA! Rebolusyon ang tinuod nga solusyon!
https://prwcinfo.wordpress.com/2021/11/30/rebolusyon-ang-tinuod-nga-solusyon-sa-una-karon-ug-hangtod-kadaugan/
No comments:
Post a Comment
Note: Only a member of this blog may post a comment.