JB Regalado
Spokesperson
NPA-Central Negros (Leonardo Panaligan Command)
Negros Island Regional Operational Command (Apolinario Gatmaitan Command)
New People's Army
April 18, 2023
Mabaskog nga ginakondenar sang Leonardo Panaligan Command-New People’s Army (LPC-NPA) ang brutal nga pagpatay kay Jose “Jojo” Albores Jr, 32 anyos, may asawa, may isa ka anak kag mangunguma sang Sityo Upper Tiyos Quinten Remo, Moises Padilla, Negros Occidental , alas 5:00 sini nga aga sa ila kaugalingon nga puluy-an.
Sandig sa pagpangusisa sang LPC-NPA, aga pa nagpanaug si Albores sa ila balay para magpreparar sang iya inugbaligya nga tabako sa Brgy Alingasaw, Moises Padilla, gulpi lang ini nga ginpa-arakan sang isa ka platun nga naga-operasyon nga tropa sang 62nd IB nga nagapalibot sa ila balay. Patay ang biktima kag naghatag ini sang kakugmat sa iya asawa, anak kag mga residente malapit sa ila nahamtangan.
Damlag pa sadtong Abril 8, si Jose “Jojo” Albores Jr ang nag-upod kag nag-witness sang ginpa-blotter ni Jeffrey kag Jessel Gella sa PNP-Moises Padilla matapos nga ginransak ang ila balay ni Gella, gingapos kag ginkastigo sila nga duha (Jeffrey kag Jessel Gella) sang tropa sang 62nd IB sa ila puluy-an sadtong Abril 7, alas 8:00 sang aga.
Kabutigan ang ginapalapnag sang tropa militar sa lugar nga may natabo nga engkwentro sa tunga sang NPA kag nasambit nga pasistang tropa kag naigo sang bala si Albores. Ang matuod, desperado ang 62nd IB sa pagpangita sa presenya sang NPA sa lugar. Wala sang NPA sa lugar kag makita sang mga pumuluyo ang masobra 150 ka tropa sang 62nd IB nga naga-operasyon sa tri-boundary sang Guihulngan, Canlaon kag Moises Padilla ilabe na sa mga sityo sang Tiyos, Tibubong, Tapas tanan sang Brgy Quinten Remo kag mga sityo sang Subo, Agogolo, Tubod kag proper Macagahay tanan sakop sang Brgy Macagahay, Moises Padilla.
Hublasan ang mga kabutigan kag pakana sang pasista, bayaran, berdugo kag desperadong 62nd IB!
NPA kag pumuluyo mag-isa kag ilunsar ang inaway banwa tubtob sa lubos nga kadalag-an!
https://philippinerevolution.nu/statements/brutal-nga-pagpatay-kay-jose-jojo-albores-jr-ginakondenar-sang-npa/
Mabaskog nga ginakondenar sang Leonardo Panaligan Command-New People’s Army (LPC-NPA) ang brutal nga pagpatay kay Jose “Jojo” Albores Jr, 32 anyos, may asawa, may isa ka anak kag mangunguma sang Sityo Upper Tiyos Quinten Remo, Moises Padilla, Negros Occidental , alas 5:00 sini nga aga sa ila kaugalingon nga puluy-an.
Sandig sa pagpangusisa sang LPC-NPA, aga pa nagpanaug si Albores sa ila balay para magpreparar sang iya inugbaligya nga tabako sa Brgy Alingasaw, Moises Padilla, gulpi lang ini nga ginpa-arakan sang isa ka platun nga naga-operasyon nga tropa sang 62nd IB nga nagapalibot sa ila balay. Patay ang biktima kag naghatag ini sang kakugmat sa iya asawa, anak kag mga residente malapit sa ila nahamtangan.
Damlag pa sadtong Abril 8, si Jose “Jojo” Albores Jr ang nag-upod kag nag-witness sang ginpa-blotter ni Jeffrey kag Jessel Gella sa PNP-Moises Padilla matapos nga ginransak ang ila balay ni Gella, gingapos kag ginkastigo sila nga duha (Jeffrey kag Jessel Gella) sang tropa sang 62nd IB sa ila puluy-an sadtong Abril 7, alas 8:00 sang aga.
Kabutigan ang ginapalapnag sang tropa militar sa lugar nga may natabo nga engkwentro sa tunga sang NPA kag nasambit nga pasistang tropa kag naigo sang bala si Albores. Ang matuod, desperado ang 62nd IB sa pagpangita sa presenya sang NPA sa lugar. Wala sang NPA sa lugar kag makita sang mga pumuluyo ang masobra 150 ka tropa sang 62nd IB nga naga-operasyon sa tri-boundary sang Guihulngan, Canlaon kag Moises Padilla ilabe na sa mga sityo sang Tiyos, Tibubong, Tapas tanan sang Brgy Quinten Remo kag mga sityo sang Subo, Agogolo, Tubod kag proper Macagahay tanan sakop sang Brgy Macagahay, Moises Padilla.
Hublasan ang mga kabutigan kag pakana sang pasista, bayaran, berdugo kag desperadong 62nd IB!
NPA kag pumuluyo mag-isa kag ilunsar ang inaway banwa tubtob sa lubos nga kadalag-an!
https://philippinerevolution.nu/statements/brutal-nga-pagpatay-kay-jose-jojo-albores-jr-ginakondenar-sang-npa/
No comments:
Post a Comment
Note: Only a member of this blog may post a comment.