MTF-ELCAC ug Adopt a Community program gilusad sa Claveria

From the Philippine Information Agency (Apr 22, 2021): MTF-ELCAC ug Adopt a Community program gilusad sa Claveria (By JANE SALIMBAO_

MISAMIS ORIENTAL, Abril 22 -- Gilusad ang Claveria's Municipal Task Force to End Local Communist Armed Conflict (MTF-ELCAC) ug Adopt a Community Program sa Sitio Kalhaan, Barangay Minalwang, lungsod sa Claveria, Misamis Oriental.

Kini aron nga hingpit nga makab-ot ang kahapsay ug kalinaw ug matapos ang insurhensya.

Kini gitambongan sa nagkalain-laing mga opisyales sa ahensya sa nasyunal sama sa PCOO Representative, PIA; DA-10; DSWD-10; TESDA-10; DILG-10; 58th IB (Philippine Army); 4ID; 403rd Brigade; 402nd Brigade; NEDA-10; Ulticon Builders Incorporated; PCA-10; DPWH-10 ug NCIP-Misamis Oriental.

Ang dakong kalihokan gitambongan sab ni Governor Bambi Emano kauban sila Municipal Mayor Hon. Meraluna Abrogar kinsa Chairperson sa MTF-ELCAC, Gingoog City Vice Mayor Hon. Peter Unabia, mga Sangguniang Panlalawigan Board Member; pipila ka sakop sa MODHA; mga Datu ug Bae gikan sa Higaonon Tribe Indigenous People nga mga kanhi former rebels nga giulohan ni Brgy. Minalwang IPMR Datu Joe Pilo Pinaandil inubanan sa Brgy. Minalwang Chairman Hon. Ric Mansangcagan.

Dungan sa dakong kalihokan nagtunol ang nagkalain-laing ahensya ug mga tabang.

Samtang Kapitolyo Probinsyal naghatag og food packs, gatas ug uban pa pinaagi sa PSWDO; Gitunol sab sa PAGRO ang moabot 150 ka mga seedlings gikan sa PCA-10 ug 100 ka mga abaca seedlings nga nagkantidad ug 40,000.00 gikan sa PhilFIDA ug 30 ka sako sa Upland Rice Denorado ug uban pang mga butang nga gikinahanglan sa mga lumulopyo sa mao nga sitio ug uban pang mga attached agencies sa DA-10 mutunol sab ug mga technical assistance pinaagi sa training and skills development aron sa hinay hinay makabarug ang mao nga sitio.

Sa dugay nga mga katuigan nga wala na puy-i ang maong lugara tungod sa kagubot nga dala sa mga komunista sa New People's Army, nahimo kini nga abandonado nga dapit sulod sa unom ngadto sa pito ka mga katuigan.

Aron mas mapahugot ang pagpatuman sa ELCAC program sa lungsod, kabahin sa seguridad, gipasalig sa Philippine Army (PA) ang tabang pinaagi sa pagtukod sa og 10 ka forward bases o detachments sa munisipyo.

Si MGen Andres Centino sa PA nagsulti nga ilang pahugtan ang operasyon sa militar sa lugar kauban ang PNP-10 kay mao kini ang dakong hangyo sa mga Higaonon Tribe Indigenous People nga masiguro ang ilahang seguridad samtang sila mupuyo sa maong lugar.

Dako ang kalipay nga makita sa mga mata sa mga IPs samtang nagahisgot sa mga development plans nga ihatag sa gobyerno aron mapabuhi ang mao nga komunidad nga puno sa kalipay ug wala nay mga engkwentro nga matagamtaman nga naghaom sa tema nga “Restoring Communities, Changing Lives: The New Beginning of Kalhaan”.

Sulod sa mga katuigan nga pagserbisyo ni Governor Bambi Emano napakita na niya ang dakong pagtagad sa mga lumulupyo sa lalawigan ilabina ang pagsiguro sa kahapsay ug kalinaw pinaagi sa pagtinabanga aron matapus na ang insurhensiya dili lang sa probinsya sa Misamis Oriental apan tibook nasud sa Pilipinas. (PIO MisOr)

https://pia.gov.ph/news/articles/1072985