Labaw sa 73rd IB, gihulipan na

From Radio Mindanao Network (RMN) (May 19, 2019): Labaw sa 73rd IB, gihulipan na




*General Santos City— Hingpit ng gihulipan si Lt. Col. Marion Angcao, isip labaw sa 73rd Infantry Battalion kung asa gihimo ang turn-over of command sa 73rd IB headquarters sa Malita, Davao Occidental.*

*Alas 10 ang takna kaganihang buntag dihang gihimo ng seremonya nga gitambungan sa mga opisyal sa local nga panggamhanan, anaa usab ang presensya ni Col. Adonis Bajao, commander sa 1002nd Brigade ug Major General Jose Faustino Jr., Commander sa 10th Infantry Division, Phil. Army.*

*Mupuli kang Lt. Col. Angcao mao si Lt. Col. Rolando G. Valdez nga gikan sa 10th ID isip Assistant Chief of Staff for Civil Miltry Operation samtang si Lt. Col. Angcao nga mabalhin sa 10th ID isip assistant Chief Of Staff For Personnel.*

*Gipasalamatan man usab ni MGen. Faustino si Lt. Col Angcao sa mga nahimo niini sa 73rd IB sulod sa duha ka tuig ug upat ka bulan niining pangatungdanan ug gilauman nga mapadayon sa bag-ong labaw ang mga nasugdan niini hilabina sa operasyon batok sa rebeldeng New People’s Army.*

https://rmn.ph/labaw-sa-73rd-ib-gihulipan-na/