Hiligaynon news: US Embassy naghiwat sang youth leadership training

From the Philippine Information Agency (Nov 2): Hiligaynon news: US Embassy naghiwat sang youth leadership training

Ang embahada sang Amerika sa Pilipinas nagtipon sang mga 250 ka mga bataon nga mga lideres nga nagarepresentar sang 10 ka myembro nga estado sang ASEAN para sa lima ka adlaw nga advance leadership training sa 2017 Young Southeast Asian Leaders Initiative (YSEALI) Summit nga ginhiwat sa Manila halin October 17-21, 2017.

Si U.S. Ambassador sa Pilipinas Sung Kim nag-abi-abi sang mga delegado sa Manila kag naghikayat sa ila nga mangin isa ka puwersa sa positibo nga pagkambio. Siya nagnotar nga ang 110,000 nga mabaskug nga YSEALI network kag ang gobyerno sang Amerika para agud suportahon sila kag ang ila trabaho samtang ulolupod nga ginapatindog ang putoru sang ASEAN.

Paagi sa mga lectures, hands-on activities, kag mga simulations, ang 2017 YSEALI Summit naghatag sa sini nga mga nagapasaka nga mga ASEAN nga lideres sa pagsabat sang mga mabudlay nga politikal, sosyal, ekonomiya, kag palibot nga mga isyu nga gina-atubang sang Pilipinas subong.

Sa kabilugan nga summit ang mga delegado nag marka sang ika-50 nga anibersaryo sang ASEAN kag sang ika-40 nga tuig sang U.S.-ASEAN nga pag-upod (40/50 U.S.–ASEAN), kag nagtalakay sang papel sang mga kabataan sa pagpabaskug sang relasyon sang U.S. kag ASEAN sa masunod nga 40 ka tuig.

Sa iya papamulong-pulong si U.S. Mission to ASEAN, Ambassador Daniel Shields naglaragway sang nagadalum nga relasyon sa tunga sang Amerika kag ASEAN, nga nagsiling nga ang ASEAN amo ang ika-apat nga pinakadaku nga trading partner sang Amerika. Ang Amerika nagpahunan sang masobra sa $274 bilyones sa ASEAN sang 2015 nga mas daku kaysa ekonomiya sang China, India, Japan kag South Korea kung tingbun.

Si Susan Thornton, Acting Assistant Secretary of State para sa U.S. Department of State’s Bureau of East Asian kag Pacific Affairs, nagsabat sang mga pamangkot sang mga delegado paagi sa video conference.

Suno sa kay Thornton, siya nakasaksi sang YSEALI sa aksyon, kag siya nagnotar nga manami magtan-aw sang isa ka rehiyonal nga organisasyon nga naga-atubang sang mga isyu sang adlaw katulad sang North Korea, South China Sea, terorismo kag pamahog sa cyber kag ang pagduso sang kolektibo nga interes sa kalinongan kag kapag-on.

http://pia.gov.ph/news/articles/1001509