Cebuano News: 55IB mopahigayon sa Bayanihan Run 12.20.14 alang sa mga CAFGU sa Misamis Occidental

From the Philippine Information Agency (Dec 18): Cebuano News: 55IB mopahigayon sa Bayanihan Run 12.20.14 alang sa mga CAFGU sa Misamis Occidental

Gidasig sa 55th Infantry (Vigilant) Battalion (55IB), Philippine Army, sa pag-abag sa Provincial Government of Misamis Occidental (PGMO), ang katawahan sa pag-apil sa “Bayanihan Run 12.20.14.”

Ipahigayon sa Oroquieta City Plaza, sa Sabado, Disyembre 20, alas 4:00 sa buntag, ang Bayanihan Run, usa ka kampanya sa paglikum ug salapi alang sa benepisyo sa mga CAFGU Active Auxiliaries (CAAs), sa probinsiya.

“Kini nga ma CAA nagsilbi nga mga ‘force multiplier’ kun magpadaghan sa mga tawo nga motabang sa pagpangalap sa kalinaw ug kalambuan, partikular sa mga kabukiran sa Misamis Occidental, matud ni lieutenant colonel Gerry M. Besana, battalion commander sa 55IB.

 “Kini nga inisyatibo nagtinguha sa paglikum ug pundo aron magamit sa mga kalihokan alang sa kabulahanan sa mga CAAs’ ilabi na panahon sa Pasko,” si Besana usab miingon.

Gawas sa kahigayonan nga mgakatampo niining honorableng tinguha, ang mga partisipante sa fun run makabenepisyo usab sa kahimsug sa lawas ug makahigayon sa pag ila-ila sa mga modagan ug uban pang po-apil sa kalihokan, ang battalion commander sa 55IB namulong.

http://news.pia.gov.ph/article/view/1451418880285/cebuano-news-55ib-mopahigayon-sa-bayanihan-run-12-20-14-alang-sa-mga-cafgu-sa-misamis-occidental